وصفات | Recipes

حلى الايسكريم بالنوتيلا | حلى سهل و سريع

July 27, 2016

مرحبا يا أصدقاء

من يومين شفت مقطع فيديو أجنبي لهذا الحلى و اشتهيته مع ان كان الوقت مره مو مناسب للطبخ متخيلين عملته الفجر ، الي متابعيني في سناب شات اكيد استغربوا هذا الشيء  (: شفت الطبخه بالليل بس كنت مره نعسااانه  فغلبني النوم و خاصة أني و اخيراً الحمد لله عدلت نومي فصرت انسانه صباحيه و هذا الشي الي يسعدني ، المهم صحيت على الفجر تقريباً و الحلى براسي فأول شي عملته و حطيته بالفريزر بعد كذا فطرت و كملت يومي متخيليييين 🙈😋

ماكان ببالي انزله هنا  و عشان كذا ما صورت لكم خطوات إعداده خطوه بخطوة سوري ، كل الحكايه إني حبيت شكله  فـ صورته و قررت اشارككم تجربتي بالطبخ مع انه لاحظوا بالصوره الحلى مو مغطى بشكل متقن من الجانب .

نرجع لموضوعنا و هو طريقة الحلى الفنان هذا ، ما اعرف له اسم فسميته

حلى الايسكريم بالنوتيلا :

المقادير :
جبنة فلادلفيا
نوتيلا
بسكوت شاي
نسكافيه
سكر
مكسرات
أي نوع فاكهه للتزيين

الطريقة :
١-نخلط ٢٥٠ غرام تقريباً جبنة فيلادلفيا مع ٣ ملاعق كبيره نوتيلا .
٢-نضع في زبدية ماء ساخن مائل للدفء حتى مايذوب البسكوت احنا بس نبغاه يلين ويديه طعم المهم نضع على الماء ملعقتين نسكافيه و ملعقه سكر .
٣- نأخذ بسكوته و نضع عليها من خليط الشوكليت ثم ناخذ بسكوته ثانيه ونضعها كطبقه ثانيه ، يعني تصير كل حبتين بسكويت بينهم شوكليت من الخليط يصير زي الساندوتش .
٤- نغمس كل سندويشه وبعدين نمسكها بيدنا وندهنها بالشوكليت و ناخذ ساندويشه مغسمه بالقهوه كطبقه فوقها و ندهنها بالشوكليت و هكذا لين تصير تقريبا خمس حبات فوق بعض وبينهم شوكليت ثم نضعها بصحن التقديم و نعمل مجموعه ثانيه ونحطهم جنبها واخر شي ندهنهم ببقيه خليط الشوكليت .( احس ما شرحتها صح لكن ان شاء الله فهمتو 🙈😁)
٥- نزينها بالمكسرات و الفاكهه فراوله ، كرز ، موز ، كيوي ، توت اللي تحبوه ونضعها بالفريزر تبرد و تقدم

وصحتين وعافيه ❤️

لو حبيتي التدوينه شاركيها مع صحباتك و اخواتك  ،

بالضغط على المستطيل الاخضر  بالاسفل حتى تشاركيها في قروبات صحباتك و معارفك بالواتساب ..

يسعدني مره اقرأ تعليقاتكم هنا💚

اتمنى لكم يوم جميل 🎈💛

2 Comments

  • Reply Lady Areej July 28, 2016 at 3:29 am

    الحلا شكله شهي جداً !
    يعطيك العافية جولزا طريقة سهلة وبسيطة وشكلها لذيذ :**
    لمن اجربها بشاركك النتيجة :** يعطيك العافية

    • Reply jollza July 28, 2016 at 8:43 am

      اهلييين اريج

      سعيده بإن الحلى عجبك

      انتظر اشوف تطبيقك يسعدني جداً ✨

    Leave a Reply

    UA-71620286-1 Top