Makeup | مكياج جمال

Morphe Brushes 35O Palette Review and Swatches | مراجعة: باليت مورفي

فبراير 28, 2017

يامساء السعاده عليكم حبايبي

اليوم باتكلم عن تجربتي لباليت مورفي بالدرجات البرونز و الذهبي من مورفي براشز ، احترت كثير بين باليتات مورفي ، كل باليت تحتوي على درجات متعددة . أخر شي قررت على هذي الباليت بالصوره و هي
‏35O – 35 COLOR  NATURE GLOW EYESHADOW PALETTE

الباليت عباره عن ٣٥ لون مابين المات ( المطفي) و الشيمر  ( بلمعه) الألوان فيها متقاربه يعني كل لون له درجات متعدده و انا حابه هالشي و هو سبب شرائي لهالباليت ، جداً حبيت ان يكون عندي درجات لنفس اللون و بسعر رخيص و جودة حلوه ،
الباليت ممتازه مقارنة بسعرها ، ألوانها دافيه مابين البيج و الاورنج والذهبيات و البرونزيات و البني المحمر و البني على رمادي ، كمان عجبتني الدرجات الشيمري ، فيه نحاسي و لمعته ذهبيه ، ولون بيتش ( مشمشي) و لمعته فضيه جمييله ، و حتى الميتالك الذهبي بطل مره

 

مره حبيتها و صرت استخدم درجات البني المطفي لحواجبي ارسمها فيها و حبيت ثباته على حاجبي ، احياناً استخدم قبله جل لرسم الحواجب من انستازيا أو عندي واحد ثاني من تارت  و أوقات ارسم حاجبي بس بالأيشادو من هذي الباليت بدون الجل .

حسيت انها تناسب الصالونات و الميكاب ارتست ، و حتى المبتدئات بالمكياج بيسهل عليهم دمج الشادو لان فيها الدرجات الي تقدري تستخدميها كألوان انتقاليه ( ترانزشن ) .

 

 

الوانها قويه و واضحه حتى بدون برايمر تبين بشكل حلو .
حقيقي على سعرها و النتيجه الي تعطيها و تعدد الوانها اشوفها ممتازه و افكر اشتري باليت ثانيه منها ان شاء الله

 

البكجنق للباليت ( التعليب) بلاستيكي و خفيف مررره وانا اشوف هالشي مو عيب بالعكس احب كذا احسها خفيفه لما اشيلها بالشنطه لكن فيه ناس ماتحب هذا التعليب لسبب انه سهل الكسر و ممكن تنكسر الظلال لو خبطت العلبه او طاحت ، لكن انا اشوف ان اي باليت لو طاحت ممكن يتكسر كم لون فيها ، افتكر مره طاحت باليت من ماك و انكسر لونين بس صراحه باقي الالوان سلمت وما اتكسرت ،لكن اتوقع لو هالباليت طاحت ممكن اغلب الالوان تتكسر الله اعلم ما جربت ولا حاجرب 😂 و لها فتره عندي و الحمدلله مازالت سليمه ..! 😋✨

 

الأن راح اوريكم سواتشز للدرجات و نبدأ من اليسار لليمين ، أول عامود من جهة اليسار :


العامود رقم ٢ :

العامود رقم ٣:

العامود رقم ٤:

العامود رقم ٥:

العامود رقم ٦:



العامود رقم ٧ و الأخير :

اكيد لاحظتوا من السواتشز انه اغلب الباليت بنيات و برونزيات

ملاحظه : السواتشز مو يدي ، اخذت من النت حتى تشوفوا الوان الباليت كيف تكون عالبشره

اتمنى لكم يوم جميل وهاديء

( لاتنسوا شرب كمية كافيه من الماء لبشرة نضرة و صحه وعافيه )

في حفظ الرحمن

جولزا

You Might Also Like

No Comments

Leave a Reply

UA-71620286-1 Top